Maamulka iyo shacabka magaalada Gaalkacyo ayaa bilaabay olole Nadafadeed oo lagu qaadayo qashinka faraha badan ee yaalla xaafadaha magaaladaasi.
Ololahaan oo ah mid iskaa wax u qabso ah,waxaa ka qeybgalay maamulka degmada Gaalkacyo iyo shacabka ku dhaqan degmadaasi
Agaasimaha arrimaha bulshada Degmada Gaalkacyo Daahir Maxamed Cilmi oo la hadlay warbaahinta Qaranka ayaa sheegay in ololahaan uu qeyb ka yahay dadaal la doonayo in lagu bixiyo olole nadaafadeed oo la tilmaamay in ay u baahan yihiin xaafadaha degmada .
Ololahaan oo manta laga fuliyay barxadda carabta ee gudaha Gaalkacyo ayaa ujeedku yahay sidii loogu diyaargaroobi lahaa doorashooyinka baarlamaanka ee la doonayo in dhowaan lagu qabto Gaalkacyo.
