Maamulka Magaalada Dhusamareb ayaa bilaabay Qorshayaal lagu soo celinayo Bilicda Caasimada Galmudug ee Dhusamareb Magaalada ayaana laga bilaabay Jarista Geedaha iyo Furista Wadooyinka xirmay waxaana iska kaashanaya Gudiyada Xaafadaha, Bulshada iyo Maamulka Guud ee Magaalada.
Gudoomiyaha Magaalada Dhusamareb iyo Gudoomiye ku-xigeenka Amniga iyo Siyaasada ayaa kormeeray Xaafadaha Shaqadani ka socoto iyagoona u sameeyey Dhiirigalin.
Gudoomiyaasha Xaafadaha Horseed iyo Dayax ayaa ka waramaya halka Shaqadan Bilis soo celintu u marayso iyo waxyaabaha u qabsoomay iyagoo Bulshada kaashanaya.
Gudoomiye ku-xigeenka Amniga iyo Siyaasada Magaalada Dhusamareb Cabdi Xaashi Caroole ayaa ugu baaqay Dad-waynaha Magaaladu inay Guryaha ku xiraan Layrar si looga fogaado wax walboo Amni xumo keeni kara waxa uuna ka hadlay Qaraha ka imaan kara Haraadiga Hubka ee ku aasan Xeradii Gaadiidka ee Ciidamada Xoogga.
Ugu dambayn Gudoomiyaha Magaalada Dhusamareb Macalin C/raxmaan Cali Maxamed Geeda-qorow ayaa ayaa Bulshada Xaadaha ku amaanay Shaqan ay Magaalada ka hayaan waxa uuna tilamaamay in lagu Gacan siindoono.
Dhowaan ayaa Maamulka Magaalada Dhusamareb waxa uu soo Magacaabay Guddiyada Xaafadaha intaa ka dibna waxa ay bilaabeen Howlaha Nadaafadeed ee lagu soo celinayo Bilicda Magaalada.
