Qoysaskan dhowaan laga soo barakiciyay tuulooyin hoosyimaada degmada Xuddur, isla markaana la dejiyay goobo cusub ayaa maanta waxa kormeerey maamulka Degmada Xuddur oo ay wehlyaan hay’adaha samafalka ee ka howlgala gudaha magaalada.
Dadka soo barakacay oo guryo ka sameysan cooshado ku dhisanaya duleedka magaalada Xuddur ayaa waxay isugu jiraan Waayeel iyo Qoysas haween u badan oo carruurtooda ay la socdaan, mahaystaan hooy, waxay wajahayaan biyo la’aan iyo raashiin la’aan, qaar ka mid ah barakacayaasha oo aan la hadlay ayaa ii sheegay in ay isugu jiraan beeralay, xooladhaqato iyo dad xirfad muruqmaal ah ku shaqeysanayay.
Related posts
Maamulka degmada Xuddur ayaa bixiyey dhulka ay degayaan, majirto wax intaa ka badan oo loo qabtay haseyeshee u jeeddada kormeerkaa ayaa ah in xaaladooda dhabta ah la ogaado gargaar deg deg ahna lala soo gasro sida uu Warbaahinta u sheegay Guddoomiyaha degmada Xuddur Maxamed Macalin.
Magaalada Xuddur waxa ku sugan kumanaan kun oo barakacayaal ah, maalimba maalinta ka danbaysa waxaa cirka isku shareera qiimaha maciishada quutul daruuriga, waxana xaaladooda nololeed aad u liidata danyarta shaqo laโaan ku heysata gudaha magaalada, kuwaasi oo dalbaday inay lala soo gaaro gurmad dhinac waliba leh.
