Gudoomiyaha gobolka Sh/dhexe Cali C/laahi Xuseen Gudlaawe ayaa maanta deeq lacageed gaarsiyay haweenay dhowaan ku umushay 4 gabdhood oo mataano ah Cusbitaal ku yaala degmada hodan ee magaalada Muqdisho islamarkaana Canugii ugu dambeeyay uu ku geeriyooday Cusbitaalkaasi.
Gudoomiyaha oo Maanta Howlo Kormeer ah ku Tagay halka ay haweeneydani ku sugantahay ayaa gudoonsiiyay ehelkeeda deeqda lacagta ah oo uu ugu talo galay iyadoo haweeneydan horay looga keenay deegaano katirsan gobolka SH/Dhexe waxaana xiligan lagu dabiibayaa cusbital ay magaalada Muqdisho ku leeyihiin walaalaha Masar.
Haweeneydaasi Soomaliyeed ayaa Gudoomiyaha Gobolka Sh/Dhexe ugu Mahadcelisay Kaalmada uu soo Gaarsiiyay waxaana intaa Kadib Gudoomiyaha Gobolka Sh/Dhexe mudane Cali C/laahi Xuseen GUudlaawe oo la Hadley Warbaahinta Qaranka uu Alle uga baryey Qoyskaasi inuu Samir iyo Iimaan uu ka siiyo caruurtii ka geeriyootay.
