Kooxda Crystal Palace ayaa garoonkeeda Selhurst Park 2-1 uga badisay kooxda Tottenham Hotspur.
Kooxda Tottenham ayaa goolka la hor martay,waxaana bilowgii qeybtii labaad ee ciyaarta u dhaliyay ciyaaryahan Harry Kane.
Ciyaaryahan Dwight Gayle ayaa daqiiqadii 69-aad ee ciyaarta gool barbardhac ah oo rigoore ah u dhaliyay kooxda Crystal Palace.
Ciyaaryahan Jason Puncheon ayaa daqiiqadii 80-aad ee ciyaarta goolka labaad ee guusha u dhaliyay kooxda Crystal Palace.
Macalin cusub ee kooxda Crystal Palace Alan Pardew ayaa guushiisii ugu horeysay la gaaray kooxda Palace.
Kooxda Tottenham ayaa kala horeynta horyaalka ingiriiska ee Premier League-ga uga jirto kaalinta shanaad,waxana ay leedahay 34-dhibcood,halka kooxda Crystal Palace ay ka soo baxday kaalimaha ugu hooseya ee horyaalka,waxana ay soo gashay kaalinta 15-aad,iyadoo yeelatay 20-dhibcood.
