Macallimad u dhalatay dalka kenya oo lagu magacaabo Judy Mutua ayaa lagu soo warramayaa in laga soo bad-baadiyay kooxda Shabaab kaddib markii ay Afduub u gaysteen xilli ay ku sugneed Gobolka Waqooyi Bari Kenya.
Macallimadda ayaa dib u heshay xorriyaddeeda kaddib markii howlgal ay si wada jir ah u sameeyeen Ciidamada Mamulka Jubbaland iyo kuwa Kenya lagu soo bad-baadiyay Macallimadda.
Sida Wararku ay sheegayaa shaqsi ka mid ahaa Afduubayaasha kooxda shabaab ayaa lagu dilay howlgalkii lagu soo furanayay haweenaydaas halka mid kalana la qabtay.
Ciidamada Maamulka Jubbaland iyo kuwa Dowladda Kenya ayaa Howlgalkii lagu soo furtay macallimaddaas kenya u dhalatay waxa ay ka sameeyeen deegaan lagu magacaabo Shaba Difu, oo 15 KM u jira xadka Soomaaliya ay la wadaagto Kenya.
Warbixin ay soo sareen Waaxda Difaaca Dowladda kenya ee “KDF” ayaa lagu sheegay in Judy Mutua lagu daweeyay Xarun Ciidan isla markana lagu wado in dhawaan loo soo qaado Magaalada Nairobi.
Xirada Qaxootiga Xagar Dheer Deegaanka Dha-dhaab ee Gobolka Waqooyi Bari Kenya ayaa laga afduubtay Macallin Mutua xilli ay la shaqaynaysay hay’adda Windle Trust International.
