Maamulka Hano Academy iyo ardayda machadka ayaa soo saaray ku dhawaad saddex kun oo ah face mask oo la isaga difaaco neefta, kaasi oo ka duawan kuwa dalka laga isticmaalo, maadaama uu ka sameysanyahay maryo adag iyo filter oo qeyb weyn ka qaadanaya ka hortagga faafidda cudurka.
Marada lagu daboosho afka iyo sanka ee ay sameeyeen ardayda Machadka Hano ayaa ah mid ay ugu tala galeen in ay ka qeyb qaataan sidii looga hortagi lahaa faafidda cudurka Coronavirus.
Maamulaha Machadka Hano Academy Sacdiya Cabdulllaahi Siyaad ayaa sheegtay inay muhiimad gaar ah ay u leedahay bulshada Soomaaliyeed isticmaalka xilligan marada wajiga lagu xirto ee looga hortagayo COVID-19, waxaana ay intaa raacisay in ay soo saareen ku dhawaad saddex kun oo xabo, si ay uga faa’iideystaan shacabka Soomaaliyeed.
Dowladda Federaalka Soomaaliya Wasaaradda Caafimaadka Ururada Bulshada Rayidka ayaa wado dadaallo lagu xakameynayo, loogana hortagayo faafidda cudurka Corovirus.
Muuse Abtow
