Agaasime Gobaleedka Bariga iyo Bartamaha ee Ururka Caafimaadka Adduunka Dr. Ahmed Al-Mandhari oo ay wehelinayaan, Agaasimaha Hawlgallada ee Xafiiska EMRO, Dr Sussan Bassiri, Madaxa Xafiiska WHO Soomaaliya Dr. Mamunur Rahman Malik iyo khubro kale ayaa maanta booqasho ku yimid Xarunta dhexe ee Wasaaradda Caafimaadka si ay kulamo kale duwan u la yeeshaan maamulka iyo qeybaha Wasaaradda.
Wafdiga ayaa ugu hoteyntii kulan gaar ah la yeesheen Wasiiirka Wasaaradda Caafimaadka Dr. Fawziya Abiikar Nuur oo ku soo dhawaysay Xafiiskeeda, Kadibna waxaa xigay kulan ballaaran oo uu wafdigu la yeeshay Agasimaha Guud Dr. Abdinasir Mukhtar Ibrahim, Agaasimayaasha Waaxaha, latliyayaasha iyo qaar kamida madaxda mashaariicda kala duwan ee Wasaaradda.
Muddii uu shirku socday, waxaa wafdiga la-la wadaagay warbixino kooban oo ku saabsan Horumaradda ay wasaaraddu ka samaysay ka jawaabiddii Caabuqa COVID-19, qorshahaynta, jiheynta iyo horumarinta adeegayda As-aasiga ah ee Caafimaadka iyo dib u habeyntii balaarneyd ee Wasaaradda ku ka sameysay hanaanka maamulka iyo maaliyadda iyo guud ahaan Iskaashiyadda sii xoogeysanya ee Wasaaradda la leedahay deeq bixiyayaasha Caalamiga ah , Hay’addaha iyo Bangiga Adduunka.
Warbixinta waxaa sidoo kale qeyb ka ahaa caqabdaha ka jira dhanka adeegayda Caafimaadka iyo arrimaha ay sida gaar ah isaga kaashan doonaan Wasaaradda Caafimaadka iyo Ururka Caafimaadka Adduunka (WHO).
Dr. Ahmed Al-Mandheri oo ah Agaasime Gobaleedka Mandhiqadda Mediterranean-ka ee Ururka Caafimaadka Adduunka (WHO) ayaa markii 2aad booqasho ku imaanaya Soomaaliya muddo 3 sano guduhood ah, Ujeedada Safarka Dr. Ahmed Al-Mandheri ee sandakaan ayaa ku aadan u kuur galidda xaaladaha Caafimaad ee ka jira gudaha Dalka iyo horumaradii la sameeyay muddadii kasoo wareegtay safrkiisii 2019 ee Dr Ahmed Al-Mandheri.
Dhanka kale safarka Dr. Ahmed Al-Mandheri ayaa waxaa qeyb ka ah arrimaha Abaaraha oo aan ogsoonahay in cadurro badan ay hadda ka dhasheen abaarihii ku dhuftay dalka intiisa badan, waxaana laga wada hadlay sidii Wasaaradda Caafimaadka iyo Ururka Caafimaadka Aduunka ay usii laba laabi lahaayeen wax ka qabshada cudurada dhibta ku haya Buslahadda Soomaaliyeed iyo xaaldaha gurmadka degdega ah ee dhanka Caafimaadka.
Ugu danbeyntii, Wasiiirka Wasaaradda Caafimaadka Dr. Fawziya Abiikar Nuur ayaa u mahadcelisay wafdiga iyo khubaradda ka socotay Ururka Caafimaadka Adduunka oo uu hoggaaminaayay Agaasime Gobaleedka Mandhiqadda Mediterranean-ka ee Ururka Caafimaadka Adduunka Dr. Ahmed Al-Mandhari.
