Madaxweynaha Dowladda Federaalka ah ee Soomaaliya Mudane Xasan Sheekh Maxamuud oo ku sugan magaalada Beladweyne ayaa weli wada kulamada uu la qaadanayo odoyaasha dhaqanka, kaasi oo ku saabsan sidii odoyaasha uu ugala hadli lahaa hirgelinta nidaamka Federaalka.
Madaxweynaha iyo wafdiga la socda oo weli ku sugan Beledweyne ayaa waxa ay kulamo gaar gaar ah la leeyihiin odoyaasha dhaqanka, kaasi oo looga hadlayo sidii dadka reer Hiiraan ay uga qeyb geli lahaayeen shirka maamul u sameynta gobollada Hiiraan iyo Shabeelaha Dhexe, isla markaana uu dhageysto cabashada ay tabanayaan dhaqanka reer Hiiraan.
Wariyaha Warbaahinta Qaranka ee gobolka Hiiraan Ibraahim Muxumed Geeddi ayaa ku soo waramaya in Madaxweyne Xasan Sheekh Maxamuud iyo wafdigiisa ay xoogga saarayaan sidii qeybaha bulshada ee reer Hiiraan looga dhaadhicin lahaa inay ka qeyb qaataan dhismaha maamul u sameynta labada gobol, si loo dhameystiro hirgelinta nidaamka federaalka.
