Madaxda dalka oo shahaaddo sharaf guddoonsiisay gudoomiyaha maxkamadda darajada 1-aad oo ay u aqoonsadeen inuu yahay sarkaal howlkar ah.
Gudoomiyaha maxkamadda G/le Dhexe Xasan Cali-nuur Shuute ayaa soo dhaweeyay shahaadadaasi, isagoo sheegay inuu ku faraxsanyahay abaalmarintaasi sida uu ku baahiyay boggiisa xiriirka bulshada.
‘Waxaan aad iyo aad ugu faraxsanahay in ay madaxda qaranku ii aqoonsadaan in aan ahay sarkaal howl-kar ah, taas oo la igu gudoonsiiyay shahaaddo sharafta 1-aad ee Ciidamada Qalabka Sida. waxaan si gaar ah ugu mahad celinaa Ra’isal wasaaraha mudane Cumar C/rashiid oo runtii I gudoonsiiyay abaalmarin aad iigu qaali ah” ayuu yiri gudoomiyaha maxkamadda darajada koobaad ee ciidamada qalabka sida.
Iagoo hadalkiisa sii wata ayuu intaasi raaciyay “waxay ii tahay abaalmarintaas dhiiranaan aan ku dhiirrado shaqada adag een ummadda u haayo in aan usii wado si hufan oo caddaalad ku jirto, anigoo laba jibaari doono howsha aan qaranka u haayo mana kama nasan doono inta aan ka gaarayo natiijada aan doonaayo oo ah in dadkayga iyo dalkayga ay nabad ku naaloodaan.
