Madaxweynaha Puntland Mudane Siciid Cabdullaahi Deni, oo shalay dib-loogu doortay xilka Madaxweynaha Puntland ayaa qasriga Madaxtooyada kulan qado sharaf ah ugu sameeyay Musharixiintii u tartamay xilka Madaxweynaha iyo Madaxweyne Ku-xigeenka Puntland.
Munaasabadda waxaa ka qeybgalay Madaxweyne ku-xigeenka cusub ee Dowlad Goboleedka Puntland Mudane Ilyaas Cusmaan Lugatoor iyo Guddoonka Golaha Wakiillada Puntland.
Mas’uuliyiinta madasha ka qeybgalay ayaa ugu hambalyeeyay Madaxda la doortay ee Puntland.
