Munaasabadda Bandhigga Waxqabadka Xukuumadda #DanQaran oo ay goobjoog ka yihiin madaxda ugu sarreysa dalka, ayaa ka socota Muqdisho.
Munaasabaddan oo si heer sare ah loo soo agaasimay ayaa waxaa kaloo ka qeybgalay Xubno ka tirsan Goleyaasha Diwladda, diblomaasiyiin iyo marti sharaf xafladda lagu casuumay.
Raโiisul Wasaaraha Xukuumadda Federaalka Soomaaliya Mudane Xamse Cabdi Barre ayaa ka hadlay waxyaabaha u qabsoomay Xukuumadda DanQaran muddada labada sano ee ay jirtay.
โMuddadii labada sano ahayd ee aan xafiiska joognay Xukuumadda DanQaran waxa ay la timid dadaal xooggan oo lagu xaqiijiyey guulo waaweyn oo dalka u horseedaya isbeddel dhab ahโ. Raโiisul Wasaare Xamsa Cabdi Barre.
Raโiisul Wasaaraha Xukuumadda Jamhuuriyadda Federaalka Soomaaliyeed Mudane Xamsa Cabdi Barre โ Shaqada baaxadda leh ee noo qabsoontay nooma hirgasheen haddii aysan nala shaqeyn lahayn labada gole ee Baarlamaanka JFS, runtii aad baan ugu mahadcelinayaaโ.
Guddoomiyaha Golaha Shacabka BJFS Mudane Sheekh Aadan Madoobe, ayaa bogaadiyey hanaanka qaadista Canshuurta iibka ee Xukuumaddu soo rogtay, isaga oo Xukuumadda DanQaran ku ammaanay dadaalka ay sameysay labadii sano ee la soo dhaafay.
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa mid mid u kormeeray bandhigga Waxqabadka Wasaaradaha Xukuumadda DanQaran oo labo sano jirsatay, kaasi oo caawa lagu soo bandhigayo Munaasabad ka socota magaalada Muqdisho.
Madaxweynaha Jamhuuriyadda Federaalka Soomaaliya Mudane Dr. Xasan Sheekh Maxamuud oo ka hadlay Xafladda ayaa yiri โXukuumadda DanQaran wixii ay qabatay labadii sano ee la soo dhaafay, waa sadar muuqda suโaal ka dhan, indhaheenna ayaan ku aragnay, guulaha la gaaray wadajir, wada-shaqeyn iyo midnima ayaa lagu gaarayโ.
โAskariga Soomaaliiyeed ee ciidamada qalabka sida ka tirsan ee maalin walba dhimanaya waa naftood hureyaal, waxa ay maalin walba isku dhigaan qaraxyo shacabka loo waday oo ay ugu dambeysay kuwii maalmo ka hor isku dhigay qaraxyadii Ceelasha biyahaโ. Ayuu yiri Madaxweynaha JFS Dr. Xasan Sheekh.
