Madaxweynaha Dowlad gobaleedka Jubaland Axmed Maxamed Islaam, ayaa Golaha Wakiilada Jubaland uga mahad celiyay sida aqlabiyada leh ee ay u meel mariyeen Wasiiradda Cusub ee uu dhawaan magacaabay.
Madaxweynaha ayaa tilmaamay in howlo waa weyn ay horyaalan Wasiiradda oo ay kamid yihiin horumarinta dhaqaaha, shaqo abuurka dhalinyarada iyo maamul dadaajinta isagoo xusay inay howlahaas oo dhan iyo kuwo kalaba door Wanaagsan ka qaadanayaan, dardar galinta shaqada ay tahay in wasiiradda ay ku qabtaan mustaqbalka dhow iyaga oo kaashanaysa Bulshada Jubaland.
Waxaa Axmed Maxamed Islaam, uu intaas ku daray in isla xisaabtanka iyo hubinta in Wasaaradahu ay shacabka ugu adeegaan sidii la rabay ay noqonayso arin mudnaan gaar ah leh si loo gaaro himilooyinka shacabka ree Jubaland.
Madaxweynaha ayaa gaba gabadii gudoonka Golaha iyo Wakiilada ku amaanay sida ay u fududeeyeen in howlahaas baaxada leh ay Wasiiradda Cusub guda galaan.
