Madaxweynaha dowlad goboleedka Puntland Dr. Cabdiweli Maxamed Cali Gaas ayaa maanta magaalada Gaalkacyo ka dhagax dhigay ilaa iyo shan xarumood oo kala ah xarunta Madaxtooyada Puntland, Wasaaradda Ganacsiga, Wasaaradda Howlaha guud iyo gaadiidka, Wasaaradda Beeraha, Banki dhexe iyo taliskii hore ee booliska oo dib u habeyn lagu sameynayo.
Dhagax dhiga xarumahaasi waxaa sidookale goob joog ka ahaa Wasiiro, Xildhibaanno, Maamulka degmada Gaalkacyo, maamulka Gobalka Mudug, xubno ka tirsan golaha deegaanka, waxgarad iyo masuuliyiin kale .
Related posts
Ugu horeyn Dr Cabdiweli Gaas ayaa dhagax dhigay xarunta Madaxtooyada Puntland ee Gaalkacyo oo la dhisayo, maadama dhawaan xaruntaasi iyo xarumo kale oo laga saaray dadweynihii deganaa, isagoo sidoo kale dhagax dhigay xarumo kale.
Dr Gaas ayaa si gaar ah ugu mahadceliyey shacabkii sida wanaagsan u wareejiyey guryihii Dawladda ee ay kujireen, waxaana uu sheegay dhammaan xarumahaasi la baneeyey in loogu adeegayo shacabka deegaannada Puntland ku nool.
