Madaxweynaha maamul-goboleedka Galmudug, Cabdikariim Xuseen Guuleed iyo wafdi uu hoggaaminayo ayaa gaaray magaalada Addis-ababa ee xarunta dalka Itoobiya.
C/kariin Xuseen Guuleed madaxweynaha Galmudug ayaa la kulmi doona mas’uuliyiin ka tirsan dowladda Ethiopia wuxuuna kala hadli doono xallinta dagaallo dhawaan laba beelood ku dhex maray deegaanka Dac-dheer oo ku yaalla xadka gobolka galgaduud uu la leeyahay dalka Ethiopia.
Kulammadaas kaddib ayaa madaxweynaha Galmudug la filayaa in uu gaaro magaalada Jig-jiga ee xarunta is-maamulka Soomaalida Ethiopia, si madaxda is-maamulkaas uu ugala hadlo isla arrinta Dac-dheer iyo arrimo kale oo quseeya labada maamul iyo bulshooyinkooda.
