Madaxweynaha Dowladda Galmudug mudane Axmed Cabdi Kaariye, ayaa heshiis la saxiixday kusimaha Ergeyga Gaarka ee Qaramada Midoobay u qaabilsan Soomaaliya.
Madaxweynaha Dowladda Galmudug mudane Axmed Cabdi Kaariye, ayaa maanta heshiis dhul loogu asteeyay Xafiiska Qaramada Midoobay la saxiixday kusimaha Ergeyga Gaarka ee Qaramada Midoobay u qaabilsan Soomaaliya Kiki Gbeho.
Munaasabadda Saxiixa heshiiskaan oo ka dhacday Qasriga Madaxtooyada Galmudug, ayaa waxaa goob joog ahaa xubno ka tirsan Golaha Wasiirada Galmudug, Guddoomiyaha Gobolka Galgaduud iyo maamulka caasimadda.
Madaxweynaha, ayaa uga mahadceliyay booqashada wafdiga ay hoggaamineyso Ku simaha Ergeyga Gaarka ah iyo sida ay Qaramada Midoobay uga go’antahay inay xarun rasmi ah ka sameysaan Caasimadda Dhuusamareeb.
Ugu dambeyntii, Madaxweynaha Dowladda Galmudug iyo ku simaha Ergeyga gaarka ah, ayaa beeray geedo astaan u ah dhireynta Galmudug cagaaran mustaqbalka dhow.
