Madaxweynaha dowlad gobaleedka Galmudug C/kariin Xuseen Guuleed oo isaga iyo wafdi uu hogaaminayo ay gaareen deegaanka Wisil ee bariga gobalka Mudug ayaa ka qeyb galay munaasabad lagu daah furayay mashruuca dhismaha waddada isku xirta magaalooyinka Wisil iyo Hobyo taas oo qeyb ka ah dhismaha waddada isku xirta Galkacyo iyo Hobyo.
Munaasabadda waxaa ka hadlay Gudoomiyaha gudiga isku xilsaaray dhismaha wadada Galkacyo iyo Hobyo Prof C/qaadir Maxamed Shirwac oo faah faahin ka bixiyay cidda gacan ka geysaneeysa dhismaha wadadaasi.
“Dhismaha mashruucaan waxaa gacan geystay bulshada qeybahooda kala duwan oo ay ugu hoireeyaan Bahda Saxaafada Gobalka Mudug oo iyagu noqday bulshadii ugu horeeysay ee ku tabarucay dhaqaalihii ugu horeeyay markii la bilaabay yabooha dhismaha wadada kuwaasoo ilaa hadda hortiina taagan walina diyaar u ah in ay codkooda iyo maalkoodaba uga qeyb qaataan dhismaha wadada Galkacyo iyo Hobyo sidoo kale waxaa iyaguna door weyn ka qaatay ururada dhalinyarada haweenka ganacsatada iyo qurba joogta Soomaaliyeed qaarkood ee ku nool
dalalka caalamka” ayuu yiri Prof C/qaadir Maxamed Shirwac
Madaxweynihii hore Galmudug S/gaas Cabdi Xasan Cawaale qeybdiid oo isna ka hadlay munaasabada ayaa sharaxaad ka bixiyay ahmiyada ay u leedahay bulshada dhismaha wadadaasi waxaana uu yiri “Dhismaha wadada Galkacyo iyo Hobyo waxay fure u tahay dhismaha dakada dagmada hobyo waayo meel aan wado laheeyn suurta gal ma noqan karto in laga hirgaliya adeegyada bulshadu u baahan yihii sida dekado garoomo diyaaradeed I.W.M”.
Madaxweynaha dowlad gobaleedka Galmudug C/kariin Xuseen Guuleed ayaa gunaanadkii munaasabada ka warbixiyay doorka uu maamulku ka qaadan doono dhismaha wadada Galkacyo iyo Hobyo
“Arintaani waa mid isku tashi ah waana mid aad ku amaanan tihiin waayo mid adag in dad shacab ahi ay ku dhiiranaadaan in dhisaan wadado aad u bur bursan oo gaareeysaa ilaa 260km anaga maamul ahaana waxaan qeyb u
qaadan doonaa in aan wadadaasi ka dhigno mid laamiya sidoo kalana aan xooga saarno dhismaha dakada magaalada hobyo” ayuu yiri madaxweynaha Galmudug C/kariin Xuseen Guuleed
Mashruuca dhismaha wadsada isku xirta deegaanka Wisil iyo Dagmada Hobyo ee Gobalka Mudug ayaa si rasmi ah u bilaawday waxaana ay socon dooontaa muddo 3 bilood ah sida ay xuseen injineerada wada howsha dhismaha wadadasi.
