Madaxweynaha Dowladda Galmudug Mudane Axmed Cabdi Kaariye iyo wafdigiisa oo maalmahan ku sugnaa dalka Jabuuti ayaa kulan la qaatay Wasiirada Wasaaradaha Amniga,Arimaha gudaha iyo Taliyaasha Ciidamada Dalka Jabuuti.
Kulanka ayaa waxaa diirrada lagu saaray amniga iyo sidii ciidamada hiil-walaal iyo kuwa Galmudug iskaga kaashan lahaayeen howlgalada lagaga hortagayo maleeshiyada Al-shabaab iyo in ay dowladda Jabuuti sii xoojiso taageerada ay siiso Galmudug.
Madaxweynaha Galmudug mudane Axmed Cabdi Kaariye ayaa 2-dii bishaan booqasho rasmi ah ku tegay dalka Jabuuti, wuxuuna la kulmay Madaxweynaha dalkaas Mudane, Ismaaciil Cumar Geelle.
