Madaxweynaha Galmudug Axmed Cabdi Kaariye Qoor Qoor oo ay wehliyaan Wasiir ku xigeenka Wasaaradda caafimaadka Galmudug Mahad Caabi Ciise, Mas’uuliyiinta maamulka gobalka Mudug iyo kan dagmada Gaalkacyo ayaa xariga ka jaray qeybo cusub oo lagu soo kordhiyay Isbitaalka weyn ee Gaalkacyo kaas oo baahi weyn loo qabay isla markaana dhismaheeda iyo dayactirkeeda ay gacan ka geysatay hay’adda (NRC ) iyo dowladda Jarmalka .
Munaasabada xarig jarka ayaa waxaa ugu horeyn ka hadlay guddoomiyaha dagmadaGaalkacyo Cabdiraxmaan Sheekh Xasan Jimcaale iyo guddoomiyaha gobalka Mudug Cabdiraxmaan Cali Diiriye Isxal iyagoo uga mahadceliyay Hay’adda (NRC) iyo dowladda Jarmalka waxaana dhanka kalana ay sheen in baahi weyn loo qabay baalaarinta iyo dayactirka lagu sameeyay qeybta Hooyada iyo Dhallaanka Isbitaalka weyn ee magaalada Gaalkacyo .
Wasiir ku xigeenka Wasaaradda Caafimaadka Galmudug Mahad Caabi Ciise ayaa mahadcelin ka dib xusay in talaabadan ay qeyb ka tahay waxqabashada baahida dhanka Caafimaadka ee ka jirta Gobolka Mudug.
Madaxweynaha dowladda goboleedka Galmudug Axmed Cabdi Kaariye Qoor Qoor ayaa u mahadceliyay Hay’adda (NRC) iyo dowladda Jarmalka isagoo sidoo kalana xusay in dowlada goboleedka Galmudug ay xooga saari doonto qalabeynta iyo dhameystirka qeybtaan lagu soo kordhiyay Isbitaalka Galkacyo.
