Madaxweynaha Dowlad goboleedka Soomaaliyeed ee Hirshabeelle Mudane Cali Cabdullaahi Cosoble,Madaxweyne Ku Xigeenka Mudane Cali Cabdulaahi Xuseen Guudlaawe, Guddoomiyaha Baarlamaanka Hirshabeelle Mudane ย Cismaan Barre iyo labadiisa ku xigeen, Guddoomiyaha Gobolka Shabeelaha dhexe Axmed Meyre Makaraan, iyo Guud ahaan Shacbiga Hirshabeelle,ayaa ka tacsiyeeyay Geerida ku timid Allaha u naxariistee Taliyaha qeybta Boliiska Gobolka Shabeelaha Dhexe Gaashaanle dhexe Khaliif Cabdulle Carfaaye oo Caawa ugu geeriyooday Jowhar Bam gacmeed kooxaha Nabad diidka ay ku weerareen .
Related posts
Madaxweynaha Dawladda Hirshabeelleย Mudane Cosoble ayaa tacsi tiiraanyo leh u diray dhamaan shacabka Hirshabeelle iyo ehelkii, qaraabadii iyo asxaabtii uu ka baxay Taliyaha Qeybta Boliiska Gobolka Shabeelaha dhexe Marxuum Khaliif ย Carfaaye oo kooxda Nabad diidka ay ku tureen Bam gacmeed Xarunta Taliska Qeybta ee Magaalada Jowhar, isagoo u rajeeyay intii wax ku noqotay in ilaah caafimaad deg deg ah uu siiyo.
Madaxweynaha ayaa tilmaamay In Marxuumka ย uu ahaa xubin muhiim ah oo ka baxday Dawladdaย iyo shacabka Hirshabeelle islamarkaana u hayay shaqo adag oo muhiim u ah nidaamka Dawliga ah, iyo Xaqiijinta Amniga.
Madaxweynaha Dowlad Goboleedka Hirshabeelle iyo Masโuuliyiinta Maamulka ayaa ย sidoo kale sheegay in dhamaan laamaha amniga ee Hirshabeelle ay gacan bir ah kusoo qaban doonaan kooxihii ka dambeeyay dilka loo gaystay alle ha u naxariistee Taliyaha islamarkaana dhagar qabayaasha Al-shabaab ee Bamkaasi ku ย tuuray sharciga la horgeyn doono, waxaana Madaxweynaha Heyโadaha Ammaanka Hirshabeelle uu faray in baaritaan dhab ah dhacdadani ay ka sameeyaan.
Ugu dambeyn Madaxweynaha Dowlad goboleedka Hirshabeelle Mudane Cali Cabdullaahi Cosoble ayaa kula dardaarmay guud ahaan shacabka Hirshabeelle inay muujiyaan feejignaan dheeraad ah meelna uga soo wada jeestaan cadowga Umadda Soomaaliyeed oo arga-gixisada Al-shabaab ay ka mid yihiin. islamarkaana ay la shaqeeyaan laamaha amniga sidoo kalena ay iska hubiyaan cid kasta oo kusoo dhex dhuumaneysa.
—–Dhamaad—–
