Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa maanta Magaalada Jowhar ee Caasimadda Hirshabeelle ku qaabilay wafdi ay hoggaaminayeen Madaxda Hay’adaha Qaramada Midoobay u qaabisan FAO, IOM iyo UNHABITAT.
Wafdigaan oo ka koobnaa Wakiilka Hay’adaha IOM Frantz Celestin, Wakiilka FAO ee Soomaaliya Etienne Peterschmitt iyo Madaxa Mashaariicda Hay’adda UNHABITAT Sebastian May oo ay wehliyeen Agaasimayaasha iyo hawlwadeennnada mashriicda kala duwan ay hay’adahaan ka fuliyaan deegaanada Hirshabeelle.
Madaxweynaha Hirshabeelle oo kulankaan ay ku wehliyeen qaar kamid ah Golihiisa Wasiirada, Agaasimeyaasha Hay’adaha Dowladda iyo la-taliyeyaal sare ayaa lagu soo bandhigay mashaariicda ay hay’adahaan ka fuliyaan Hirshabeelle, iyadoo lagu falanqeeyay baahiyaha ka jira deegaanada laga xoreeyay khawaarijta, saameynta taban ee biyo baxadu ku yeelatay dadka iyo deegeenka, horumarinta Kaabayaasha dhaqaale, u adkaysiga aafooyinka dabiiciga ah, harumarinta Magaalooyinka iyo Dowlad wanaagga.
Mudane Cali Guudlaawe Xuseen Madaxweynaha Dowlad Goboleedka Hirshabeelle ayaa uga mahadceliyay Madaxda Hay’adaha Qaramada Midoobay ee IOM, FOA iyo UNHABITAT garab istaagga ay siiyaan Dowladda iyo Shacabka Hirshabeelle, gaar ahaan ka jawaabista xaaladaha deg-degga, horumarinta kaabayaasha dhaqaale iyo maal-gelinta deegaannada laga xoreeyay khawaarijta, wuxuuna ku adkeeyey xoojinta iyo sii wadista wada shaqaynta si dadka loo gaarsiiyo adeegayada ay u bahan yihiin.
