Shirkii magaalada Garoowe uga socday dawladda federaalka ah iyoย dawlad-goboleedyada xubnaha ka ah ayaa maanta la soo gabagabeeyeyย ayadoo laga soo saaray warmurtiyeed ka kooban 7 qodob. oo uu warbaahinta u akhriyay Afhayeenka madaxtooyada Daa’uud Aweys Jaamac.
Halkan ka dhagayso
Related posts
Madaxweynaha Koonfur Galbeed ShariifXasan Shiikh Aadan oo saxafadda la hadlay ayaa yiri.
“Waxaan rajaynaynaa in dalka Soomaaliya uu dhibaatada ka baxo kuwaย nabad-diidka ahna laga adkaado dalka Soomaaliyeedna uu nabad noqdo ooย uu isku furmo, degmo degmo u gudbi karta way yartahay marka laga reeboย Puntland.ย Waxaan codsanaynaa wixii halkaan lagu wada gaaray in laga wada shaqeeyo, binu aadamku hadday wax gaarayaan waa la is jiidjiidayaa marka wixii la jiid jiday inaan loo arag in qolo loogu dan leeyahay amaqolo lagu riixaayo”.
Madaxweynaha maamulka Jubbaland Axmed Maxamed Islaam ayaa isna ka hadlay madasha.
“Waxaan rajaynayaa qolyaheenna shirka yimid hadal badan iyo jiitanย badan, maxaam hadda qabannaa iyo Maxaan dib ka qabannaa ayaa laga wadaย hadlayey, dadkuna in badan waa usoo dhego taagayeen, marka waxaa rabaaย inaan shacabka u sheego, horta waxaa guul ah in la tashado shir joogtoย ah uu dhaco, sidaan maalin dhaweyd ka hadlaynana la sameyndoonoย naadiyo kaloo baarlamaannada iyo meelo badan oo kale inayย ku kulmi doonaan dhaqanka loo sameyn doonoo soomaalidu ay dhaqankeedii u noqon doonto, taas waxay naga kaafin doontaa inaan niraahdo beesha caalamka iyo xaggee wax laga hayaa iyo xagee wax marayaan yaa inadacminayo iyo yaan saan yeelnaa”.
Madaxweynaha Puntland Cabdi welimaxamed Cali Gaas ayaa isna ka hadlay gabagabdii shirkan ayaa yiri.
“Su’aashu waxat tahay soomaaliya ma u baahan tahay inay tashato? Haa. cidda maanta talada laga sugayo yaa weeye? waa inta meeshaan joogta. waxa ay maanta sameeyaa iyo waxay soomaali u qabtaan ayaa taariikhdageli doona, inagu waan isku nimid waan tashannay wax adag ayaan ka wada hadlayney sababtu waxa weeye waxa laga hadlayo iyo waxa maanta taagan ayaan wax sahlan ahayd, waa la is jiidjiidayaa, waa la wadahadlayaa, kama dambeystiina wax wanaagsan oo soomali maslaxaddeed ah ayaa soo baxay”
Madaxweynaha dawladda federaal ah ee Soomaaliya Xasan shiikh Maxamuud ayaa intaas kadib ayaa khudbad ka jeediyey goobtaas.
“Sidaas ayaan meeloย dalka ka mid ah intaan u wada tagno oo u wada fariisanno ayaan wixii maalintaas ku habboon in laga yiraahdo ayaan ka wada dhihi doonnaa, wixii loo baahnaa ama Soomaaliya in la yiraahdo kuhabboonaa oo dhan ma wada dhihin, laakiin shalayna in baan dhahnay maantana in baan dhahaynaa, berri iyo maalinta ka ka dambeysa iyo kulamada ka dambeeyana hadba in baan dhihi doonnaa, illaa aan rajaynayno in dalka Soomaaliyeed kalsoonidoodii iyo niyad samidoodii iyo ku kalsoonida dawladnimada, hadday tahay dawladda dhexe iyo dawlad-goboleedyadaba dadku intay kalsoonidaas helayaan oo ay iska aaminayaan mashruucaas wuu soconayaa wadatashi weeye waa la ballaarinayaa” ayuu yiri madaxweynuhu.
Dowladda Federaalka Soomaaliya ayaa sameysay madal ay ku wada hadlaan dowladda dhexe iyo dowlad-goboleedyada, taas oo looga hadlayo sidii waddanka looga saari lahaa dhibaatada ku raagtay. Kulankii 1aad ee madashan ayaa bilowgii sanadkaan lagu qabtay magaalada Muqdisho, halka kulankii labaad maanta lagu soo gabagabeeyay magaalada Garowe.
Cabdi Xasan Awoowe, Garowe.
