War hadda naga soo gaaray garoonka Diyaaradaha Aadan C/lle Cismaan Aadan Cadde ayaa waxaa uu ku waramayaa in Daqiiqado ka hor ay soo caga dhigatay Diyaaradii siday Wafdi Heer caalami ah oo ka socda Jaamacada carabta kaas oo uu hogaaminayo Ra,iisul Wasaare ku xigeenka Ahna Wasiirka Arimaha Dibada Dalka Kuwait .
Wafdiga ayaa waxaa garoonka ku soo dhaweeyay Ra,iisul Wasaare ku xigeenka Xukuumada Federaalka ah Ee Somalia Mudane Ridwaan Xersi Maxamed iyo Mas,uuliyiin kale Waxaana loo Galbiyay Wafdigaan Xerada Ciidamada Xalane oo ay kulan kula qaadanayaan Madaxda Dalka ugu Sareysa oo uu ka mid yahay Madaxweynaha Jamhuuriyada Mudane Xasan Sheikh Maxamuud.
Wariyaasha ayaa soo sheegaya in Dhamaan Safiirada Wadamada Carabta ka jooga Dalka Somalia ay iyana goobta ku sugan yihiin Wafdiga ka socda Jaamacada Carabta ayaana lagu wadaa in markii uu kulankaas soo dhamaado uu Dib ugu laabto Halkii uu ka yimid .
Wariyaha Warbaahinta Qaranka Sugaal ayaa soo sheegaya in Hadda Wafdigaasi uu kulan la leeyahay Madaxweynaha Dalka Mudane Xasan Sheikh Maxamuud iyo Ra,iisul Wasaaraha Xukuumada Mudane C/wali Sheikh Axmed Maxamed oo ay ka wada hadlay Arimo Dhowr ah .
WIXII KA SOO BAXA KULANKAAS WAAN IDIIN SOO GUDBIN DOONAA INSHA ALAAH
