Madaxweynaha Jamhuuriyadda Federaalka Soomaaliya mudane Xasan Sheekh Maxamuud oo ka qayb-galay kulan dadweyne oo ay su’aalo ku weydiinayaan shacabka Soomaaliyeed ayaa shaaca ka qaaday in uu kalsooni buuxdo uu ku qabo inay amnigiisa ilaaliyaan ciidamada qalabka sida ee Soomaaliya.
Madaxweyne Xasan Sheekh “Kalsooni buuxda ayaan ku qabaa in amnigeyga ay ilaaliyaan wiilal Soomaaliyeed, haybad iyo nasiib gaar ah ayeeyna ii tahay in aan noqdo Madaxweynihii Soomaaliyeed ee ugu horreeyay ee ay ammaankiisa si buuxda u ilaaliyaan ciidamada Qaranka Soomaaliyeed, tan iyo burburkii dalka”.
