Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa shaqo maalmeedkiisa u wareejiyay xarunta Wasaaradda Gaashaandhigga ee magaalada Muqdisho.
Mudane Maxamed Cabdullaahi Farmaajo oo maanta ku sugan xarunta Wasaaradda Gaashaandhigga ayaa halkaasi kulamo kula yeeshay saraakiisha Ciidanka Xoogga Dalka oo halkaasi ku soo dhaweeyey.
Ujeeddada ayaa ah sidii Madaxweynaha Jamhuuriyadda Soomaaliya Mudane Maxamed Cabdullaahi Farmaajo uu u dhiiro gelin lahaa dardargelinta howlgalada militari ee ka dhanka ah maleeshiyada Al-Shabaab.
Madaxweynaha ayaa horey xafiis uga furtay xarunta Wasaaradda Difaaca Dalka, halkaasi oo dhowr jeer uu ku gutay shaqo maalmeedkiisa, waxaana tani ay qeyb ka tahay dadaalo lagu dhiiro gelinayo Ciidanka Xoogga Dalka, si ay u dareemaan in ay haystaan taageerada madaxda Dowladda.
