Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo ka qeybgaley bannaan baxa kacdoonka shacabka ayaa sheegay in calaadda la marsiin doono qofkasta oo bulshada dhibaateeya.
Madaxweyne Xasan ayaa xusay in dowladdu ay ka go’antahay sidii dalka oo dhan looga cirib tiri lahaa khawaarijta, isla markaana aan la ogolaan doonin sidoo kale shacabka la laayo.
“Qofka Soomaaliga ee aan Shabaab kala dagaalanay inay dilaan, uma ogolaan doono inuu dilo qof kale, qofkii qof dila shareecada ayaa la horgeynaa”. Ayuu yiri Madaxweyne Xasan.
Madaxweynaha JFS ayaa sidoo kale hadalkiisa ku daray “Qofka Soomaaliga ah illaahay ayaa kareemeeyey noloshiisa annaguna inaan karaamayno ayay naga mudan yihiin”
Madaxweyne Xasan ayaa su’aal weydiiyay dadka cabsida darteed lacagaha argagixisada siin jiray “Yaa kuu balan qaaday Beesadii aad dhiibtay Qaraxii lagu soo sameeyay inuusan ku Dilayn”?
