Madaxweynaha Dowlad Gobaleedka Jubbaland Mudane Axmed Maxamed Islaam ayaa shacabka Soomaaliyeed, qoyskii, eheladii, qaraabadii, asxaabtii, iyo bahda dhaqanka uga tacsiyadeeyay geerida ku timid Allaha u naxariistee Ugaas Axmed Barre Cali (Taakooy) oo kamid ahaa hoggaamiyeyaasha Dhaqanka Galmudug.
“Guud ahaan shacabka Soomaaliyeed, gaar ahaan bahda dhaqanka, qoyskii uu ka baxay iyo Bulshada reer Galmudug uga tacsiyey geerida naxdinta leh ee ku timid Allah ha u naxariistee Ugaas Axmed Barre Cali Taakooy”. Ayuu yiri Madaxweynaha Jubbaland.
Madaxweynaha Jubbaland ayaa xusay in Marxuum Ugaas Taakooy uu ka mid ahaa hormuudka dhaqanka Soomaaliyeed, isla markaana mar walba door muhiim ah ka qaadan jiray howlaha dib-u-heshiisiinta, waxa kaloo uu ka mid ahaa duubabka dhaqanka ee wakhtigooda ugu badan ku bixiya walaalnimada iyo wadajirka Bulshada, isagoo Alle uga baryayay marxuumka inuu rabi janadii fardowso ka waraabiyo dhammaan shacabka Soomaaliyeedna Samir iyo iimaan ka siiyo.
