Madaxweynaha Dowlad Goboleedka Koonfur Galbeed, Mudane Cabdicasiis Xasan Maxamed (Laftagareen), ayaa ka qeyb-galay munaasabadda daah-furka ololaha diiwaangelinta codbixiyeyaasha ee deegaanada Koonfur Galbeed.
Munaasabadda waxaa sidoo kale ka qeyb-galay mudanayaal ka tirsan golayaasha dowlad-goboleedka, xubno ka socday Guddiga Madaxa-Bannaan ee Doorashooyinka Qaranka iyo Soohdimaha, iyo qeybaha kala duwan ee bulshada magaalada Baydhabo.
Madaxweyne Laftagareen ayaa noqday qofkii ugu horreeyay ee qaata kaarka diiwaangelinta codbixinta, isagoo bulshada Koonfur Galbeed ugu baaqay inay si firfircoon uga qeyb qaataan diiwaangelinta si ay door muhiim ah uga qaataan doorashooyinka qof iyo cod ah.
