Madaxweynaha Maamulka Koonfur Galbeed Soomaaliya Mudane Shariif Xasan Sheekh Aadan oo ay wehliyaan xubno ka tirsan Wasiirada maamulkaasi ayaa shalay gaaray Degmada Wanla-weyn ee Gobolka Shabeelaha Hoose iyo Tuulooyinka hoos yimaada, halkaasi oo ay kulamo kula qaateen masโuuliyiin ka tirsan maamulka Gobolka Shabeelaha Hoose, Saraakiisha Ciidamada Dowlada kuwa AMISOM ,Odayaasha Dhaqanka ,Waxgaradka iyo qeybaha kala duwan ee Bulshada.
Kulanka ugu horeeya ayuu madaxweynaha maamulka koonfur galbeed Soomaliya iyo xubnaha la socday waxa ay deegaanka Bali-dogle ay kula qaateen odayaasha iyo waxgaradka deegaankaasi, waxaana guddoomiye ku-xigeenka dhinaca arrimaha bulshada ee maamulka gobolka shabeelaha hoose Cumar Maxamuud Cilmi uu ka warbixiyay xaaladaha deegaankaas iyo guud ahaan tan gobolka ka jira.
Related posts
โCuleys badan oo dhinaca waddooyinka ah ayaa jira Mudane oo ah caqabado ku saabsan gaadiidleyda qaada bulshada deegaanada isaga kala goysha caqabadahaas oo in badan ay dagaal la galeen ciidanka Xoogga Dalka Soomaaliyeed, welina meelo badan ay culeysyadaas ay ka jiraan balse la doonayo in iyadoo la is kaashanayo culeysyadaas jira laga gudbo oo dadkan nabad gelyo sax ah ay helaanโโ ayuu yiri Cumar Maxamuud.
Madaxweynaha Maamulka Koonfur Galbeed Soomaaliya Shariif Xasan Sheekh Aadan oo kadlay caqabaha dhinaca waddooyinka ah ee ka jira deegaanada gobolkaasi ayaa rajo wanaagsan ka muujiyay xalinta caqabadaha ay tebayaan bulshada deegaannadaasi ku nool.
โโWaxaan rajeynayaa in jidadkan oo furan uu Alle nala garab galo, waan ognahay in degmo degmo u gudbeyso aysan jirin ,tuulo tuulo u gudbeysa aysan jirin, waxaana rajeyneynaa in dadka ay isugu gudbaan oo dhulka sidii uu ahaan jiray uu noo noqdo,,in ninkii rabo inuu Xamar tego uu si nabad ah ku tago kii doonaya inuu Baydhabo tego uu tagi karo, ciidankana dadaalka ay muujiyeen aad ayay ugu mahadsanyihiin, laakiin hadana waxaan rabnaa in dadaalka ay sii wadaanโ ayuu yiri Mudane Shariif Xasan Sheekh Aadan.
Dhinaca kale Madaxweynaha Maamulka Koonfur Galbeed Soomaaliya ayaa sidoo kale Degmada Wanla-weyn ee Gobolka Shabeelaha Hoose ayaa waxa uu kulan kula qaatay odayaasha dhaqanka iyo waxgaradka, haweenka iyo qaar ka mid ah bulshada degmada, waxaana qaar ka mid ah dadkii kulanka ka qeyb galay ay wafdiga uga warameen xaaladaha dhabta ah ee degmadaasi ka jirta.
Maamulka Koofur Galbeed Soomaaliya ayaa wado qorshe uu wada tashi kula sameynayo Odoyaashaย iyo Waxgaradka deegaanada gobolkaasi iyo sidii loo cirib tiri lahaa Ururka Gumaadka Ummadda Soomaaliyed ee UGUS.
