Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed (Laftagareen), ayaa shir gudoomiyey shirka gollaha amniga dowlad goboleedka koonfur galbeed, oo todobaadkan ay ka qeybgaleen taliyaha qeybta sedaxaad ciidanka Amisom, sarakiil ka socday dowladad Ingiriiska iyo qeybaha kala duwan ee sarakiisha laamaha amniga maamulka koonfur galbeed.
Shirka ayaa inta uu socday waxaa looga hadlay xaaladaha amaan ee deegaanada koonfur galbeed iyo sidii loo bilaabi lahaa howlgalo lagu ciribtiraayo dhagar qabiyaasha argigixisada Al-shaab ee ku dhuumalaysta qeybo kamid ah degaanada koonfur galbeed.
Related posts
dhanka kale sidii loo kordhin lahaa howlgalada loogaย hortagayo qaraxyada iyo dhagarta kale argigixisada ay ku doonayaan inay ku dhibaateyaan shacabka ku nool gobolada baay,bakool iyo shabeellaha hoose.
qaar kamid ah saraakiisha amniga ayaa laga dhagaystay warbixino ku saabsan amniga iyo howlgalada ay fuliyaan ciidanka, waxaana sheegeen in ciidanka ay sii laba jibaareen howlgalkooda inta lagu gudajiro bisha barakaysan ee Ramadaan
Madaxweynaha dowlad goboleedka koonfur galbeed mudane Cabdicasiis Xasan Maxamed (Laftagareen), ayaa umahadceliyey sarakiisha laamaha amniga, waxaana uu tilmaamay sida ay shacabka iyo dowlad goboleedka koonfur galbeed ay ugu kalsoon yihiin kartida iyo awoodda geesiyaasha Soomaaliyeed ee qeybaha kala duwan ciidanka, isaga oo ku bogaadiyey sida ay naftooda ugu hurayaan difaaca dadka iyo dalka Soomaaliyeed.
Madaxweyne Laftagareen,ayaa dhiirri-geliyey saaxibada Soomaaliya dadaalka naf-hurnimada leh ee ay ku bixiyeen nabadeynta iyo horumarada dowlad goboleedka KG ku tilaabsatay, isaga oo hoosta ka xarriiqay muhiimadda ay leedahay xiriirka iyo wada shaqaynta Labada Ciidan iyo Shacabka.
