05 April 2015, Muqdisho: Madaxweynaha Jamhuuriyadda Federaalka ee Soomaaliya, Mudane Xasan Sheekh Maxamuud, ayaa xafiiskiisa kulan kula yeeshay xubno ka tirsan culumaโudiinka Soomaaliyeed.
Kulankaasi ayaa looga wadahadlayay doorka culimadu ay ku leeyihiin dib u dhiska dalka, ka hortagga kooxaha sida xun u adeegsada diinta Islaamka iyo cambaareyn weerarkii wuxashnimada ahaa ee ka dhacay magaalada Gaarisa ee Kenya, kaas oo lagu diley 148 qof oo aan waxba galabsan.
Related posts
Kulankaasi oo uu goobjoog ka ahaa Raโiisul Wasaaraha Soomaaliya, Mudane Cumar Cabdirashiid Sharmaโarke, ayaa Madaxweynaha waxaa uu kaga hadley muhimadda iskaashi buuxa oo dhexmara culumada iyo dowladda, si kor loogu qaado fahamka saxda ee diinta Islaamka.
โWaa muhiim in fikirka bulshadeennu uu noqdo mid saliim ah oo dadka iyo dalkeenna lagu badbaadin karo. Weerarkii waxashnimo ee ardayda lagu laayay ee Gaarrisa ka dhacay, waxaa geystey kooxo diinta Islaamka meel uga dhacay, iyagoo doonaya inay colaad abuuraan. Hadafkeennu waa in aan dalalka deriska ah nabad ku wada noolaanno, si taas loo gaarana waa lagama maarmaan in aan wadashaqeyno culumadaโโ.
Culumada oo iyaguna fadhigaas ka hadlay ayaa taageeray fikirka Dowladda, isla markaana sheegay in ay diyaar u yihiin wacyi gelinta bulshada, kor u qaadista fahamka saliimka ah ee diinta Islaamka iyo inay ka shaqeeyaan dib u dhiska iyo dib u heshiisiinta.
