Madaxweynaha SOomaaliya mudane Xasan Sheekh Maxamuud ayaa sheegay in dowladda Soomaaliya ay dadaal badan ku bixinayso sidii loo xaqiijin lahaa in la heli ciidan qaran oo ay ku jiraan dhammaan dadka Soomaaliyeed, ayadoo sidoo kale la xakameyn doono hubka dowladdu ay leedahay.
Khudbad uu shalay ka jeediyay furitaanka kalfadhiga 6aad ee baarlamaanka ayuu ku sheegay in guddi gaar ah oo ka kooban xukuumadda iyo maamullada gobollada ay ku howlan yihiin dhismaha ciidanka iyo isku dhafkooda. Sidoo kale wuxuu sheegay in dowladdu ay diyaarisay hannaan lagu diiwaan galinayo hubka dowladda isla markaana suurta galinaya in askari kasta lagu koontoroollo hubka ay dowladdu siiso.
Related posts
Madaxweynuhu wuxuu ka hadlay in dowladdu ay ku howlan tahay sidii sanadka 2016-ka dalka loo gaarsiin lahaa doorasho ay ka yimaadaan hayβadihii beddeli lahaa dowladda hadda jirta. Si loo gaaro arrintaan dowladdu waxay qaadday tallaabooyin ay ka mid yihiin sugidda ammaanka, diyaarinta sharuucda dib u eegista dastuurka iyo xudduudaha iyo waliba dhismaha maamul goboleedyo KMG ah.
Qeybta Hoose ka dhagayso khudbadda madaxweynaha oo dhammeystiran
