Madaxweynaha Jamhuuriyadda Federaalka Soomaaliya Mudane Xasan Sheekh Maxamuud, ayaa si rasmi ah xarigga uga jaray shirkadda nadaafadda deegaanka ee ECCO oo ah shirkad gaar loo leeyahay, waxaana sidoo kale munaasabaddaasi ka qeyb-galay duqa Muqdisho, wasiirro, xildhibaanno, maamulka shirkadda, saraakiisha ciidanka, qaar ka mid shaqaalaha shirkaddaasi iyoย fannaaniin.
Cabdi-xakiim Yuusuf Xasan oo ahย maamulaha guud ee shirkadda ECCO, ayaa sheegay ย in u jeedadu ay tahay sidii shaqo abuur loogu sameyn lahaa dadka gobolka Banaadir, isla markaana looga qeyb-geli lahaa horumarka caasimadda.
Related posts
Guddoomiyaha Rugta ganacsiga iyo Warshadaha Soomaaliya, C/kariim Maxamuud Gabeyre, ayaa soo dhoweeyey shirkaddaan ka shaqeyn doonta nadaafadda deegaanka,isagoo tilmaamay in ย ganacsatada Soomaaliyeed ay u gudbeen horumarinta dalka iyo degnaanshihiisa.
Guddoomiyaha gobolka Banaadir Ahna Duqa Muqdisho, ayaa sheegayย in u jeedada shirkaan loo siiyey mashruuca dhanka nafaadadda ah ay tahay horumarinta caasimadda, waxa uu ballan qaadey in ay gacan siin doonaan, isla markaana lagula xisaabtami doono shaqada ECCO.
Wasiirka Maaliyadda Soomaaliya Maxamed Ibraahim Fargeeti, ayaa soo dhoweeyey mashruucaanย ballaaran ee ECCO, waxa uu xusay in dhowaan ay shirkad gaar ah siin doonaan bixinta Leysinka baabuurta.
Madaxweynaha J. Soomaaliya, Mudane Xasan Sheekh Maxamuud, ayaa ugu horreyn ku boggaadiyey dowladda hoose ee Xamar tallaabada ay u qaadey dhiiragelinta ganacsiga gaarka loo leeyahay iyo mashruuca nadaafadda gobolka Banaadir ee ECCO la siiyey, waxa uu sheegay madaxweynuhu in waajib ay tahay gacan siin shirkadda ECCO oo ka howlgeli doonta horumarinta nadaafadda caasimadda, heyโaddaha dowladda oo dhanna waxa uu faray in ay la shaqeeyaan shirkaddan.
Madaxweyne Xasan Sheekh Maxamuud, ayaa wax lagu farxo ku tilmaamay maalgelinta ay ganacsatada Soomaaliyeed ku sameysanayaan dalkooda, waxa uu ugu yeeray kuwa kale in ay sidaan oo kale u maalgashadaan dalkooda, dowladda Soomaaliyeedna ay mar walba diyaar u yahay in ay boggaadiso lahaanshaha gaarka ah.
Shirkadda ECCO waxa ay soo bandhigtay Qalabka iyo shaqaalihii ku shaqeyn lahaa mashruuca weyn ee u shaqeyn doona hababka casriga ah, si caasimadda Soomaaliyeed ay hormuud ugu noqoto caasimadaha caalamka dhinaca nadaafadda, waanaย fursad ay ganacstada siisay dowladda madaxweyene Xasan Sheekh Maxamuud uu hoggaamiyo.
