War hadda naga soo gaaray Magaalada Dhuusa mareeeb ee gobolka galgaduud ayaa waxaa uu sheeegayaa in madaxweynaha Jamhuuriyadda Federaalka Soomaaliya mudane Xasan Sheikh Maxamuud oo maanta halkaa gaaray uu soo xiray shirkii dib u heshiisiinta ee bilihii la soo dhaafay ka socday magaalada Dhuusa mareeeb waxaana uu madaxweynuhu khudbad dhinacyo badan taabaneysa ka jeediyay xiritaanka shirkaas.
Madaxweynaha ayaa waxaa uu sheegay in 11 bishaan oo ku beegan maalinta sabtiga ah uu magaalada Cadaado ee gobolka galgaduud ka furmi doono shirka maamul u sameynta gobolada Mudug iyo Galgaduud halkaa oo dhawaanahaanba ay ka soctay qaban qaabo iyo diyaar garow loogu jiro qabsoomida shirkaas maamulka Ximan iyo xeeb ayaana diyaariyay xaruntii shirkaas lagu qaban lahaa.
Related posts
Mudane Xasan Sheikh Maxamuud Madaxweynaha Jamhuuriyadda Soomaaliya ayaa waxaa uu sidoo kale ku dhawaaqay halka ay noqo doonto caasimadda Maamulk loo dhisayo goboladaas waxaana uu madaxweynahu sheegay in ay noqo doonto magaaladda dhuusa mareeb ee Xarunta gobolka Galgaduud oo uu hadda ku sugan yahay waxaana uu madaxweynuhu ugu baaqay guud ahaan bulshada gobolada dhexe in ay ka mideysnaadaan in yeeshan maamul loo dhanyahay isla markaa waxaa uu kula dar daarmay in maamulkaas ay garab istaagaan.
