Madaxweynaha dowlad gobolleedka Puntland C/wali Maxamed Cali Gaas oo ka hadlayay Dagaalka Puntland ay kula jirto maleeshiyada Al-shabaab iyo Guulihii Ciidamada Puntland ay ka soo hooyeen dagaalkii Togga Suuj ayaa sheegay in uusan dhamaan Dagaalka lagula jiro Dhaqdhaqaaqa Al-qaacidda.
Mudane Gaas ayaa sheegay in Puntland laga doonayo in aysan is dhigan oo aysan faraha kala bixin dagaalka Shabaab lagu doonayo in lagu laayo.
“Dagaalka Al-shabaab hadda ayuu Kow noo yahay Ciidamada Puntland waan ku Amaanayaa sida wanaagsan oo ay iskaga difaaceen Al-shabaab oo ay Jab iyo hoog u geysteen,laakiin waxaan leeyahay Dagaalka Al-shabaab wali waa socdaa ilaa deegaanadeena laga waayo magacooda”Ayuu yiri Madaxweyne Gaas.
Ugu dambeyn Madaxweynaha Puntland ayaa shacabka reer puntland ugu baaqay in ay Taageeraan ciidamadooda gacan weyna ka geestaan dagaalka lagula jiro maleeshiyaadka AL_shabaab.
