Madaxweynaha Ruushka Vladimir Putin ayaa maanta oo Arbaca ah booqasho rasmi ah ku tagi doona dalalka Sacuudiga iyo Imaaraadka Carabta, waxaana la sheegayaa in madaxda dalalkan uu kala hadli doona xoojinta iskaashiga arrimaha tamarta iyo siyaasadda gobolka, sida uu ku dhawaaqay Kremlin-ka.
Afhayeenka Kremlin-ka Dmitry Peskov, ayaa sheegay in marka laga soo tago arrimaha iskaashiga uu Madaxweynahu kala hadli doona madaxda labadan dal arrimo caalami ah iyo kuwa ku saabsan gobolka, gaar ahaan colaadda ka dhex taagan Falastiin iyo Israa’iil.
Sanandkii 2019, ayay aheed markii ugu dambeysay ee Madaxweynaha Ruushka uu si wada jir ah u booqdo Sacuudiga iyo Imaaraadka, xilligaas oo ay isla meel dhigeen arrimo la xariiro hannaanka wax soo saarka saliidda.
