Madaxweyneyaasha Soomaaliya iyo Turiga ayaa si wadajir ah xarigga uga jaray dhisamaha cusub ee Safaaradda Turkiga uu ka furanayo Soomaaliya.
Afhayeenka Madaxtooyada Soomaaliya Da’uud Aweys oo ku sugan Xafladda furitaanka Safaaradda Cusub ee turkiga ayaa sheegay in labada Madaxeyne ay maanta oo Jimco ah si rasmi ah u fureen Safaaraddii ugu weyneyd ee Turkigu uu ka dhisto Caalamka.
Madaxweynaha Turkiga Rajab Dayib Erdugan ayaa hadda kulan kula leh dhismaha safaaradda Madaxda Dowladda Fedaraalka Soomaaliya Mudane Xasan Sheekh Maxamuud, gudoomiyaha Baarlamanka R/wasaaraha iyo mas’uuliyiin kale oo ka tirsan federaalka Soomaaliya.
