Madaxweynaha Jamhuuriyadda Federaalka ah ee Soomaaliya Mudane Maxamed Cabdullaahi Maxamed Farmaajo ayaa maanta gelinka dambe waxa uu khudbad ku saabsan xaaladaha amniga iyo horumar ee ay ku talaabsatay dowladda Soomaaliya ka jeedin doono shirka.
Wariyaha Warbaahinta Qaranka ee dalka Kenya Cumar Cabdi Xasan Cumar Caaqil ayaa ku soo waramay in Madaxweynaha uu khudbadiisu diiradda ku saari doono xaaladaha abaarta ee ka jirta dalka, Qaxootiga Soomaaliyeed ee ku nool waqooyi bari ee dalka Kenya, tan amni iyo horumarkale ee ay ku talaabsaneyso dowladda.
Sidoo kale Madaxweynaha Soomaaliya Mudane Maxamed Cabdullaahi Maxamed Farmaajo ayaa xalay kulan dhaqaale loogu aruurinayo dadka ay saameeyeen abaaraha kala qeyb galay Jaaliyadda Soomaaliyeed ee wadanka Kenya ku nool.
Shirka waxaa kaloo ka qeybgalay mas’uuliyiin kala duwan, iyadoo intii kulanka ka hadashay ay xoogga saareen in bulshada dhexdooda ay isu gurmadaan oo ay is caawiyaan dhexdooda.
Madaxweynuhu waxa uu balan qaaday in dhaqaalaha ay iska soo uruuriyaan Jaaliyadaha Soomaaliyeed ee dalka dibadiisa ku nool la gaarsiin doono dadkii loogu talagalay.
