Puntland ayaa maanta si rasmi ah u fasaxay furashadda nidaamka xisbiyadda badan ee doorashooyinka gollayaasha degaanka Puntland
Madaxweynaha Puntland Cabdiweli Maxamed Cali Gaas oo ka hadlay munaasabadd ka dhacday magaalada Garowe ayaa ku dhawaaqay in puntland ay fasaxday furashadda iyo meelmarinta ururadda siyaasadda ee doorashooyinka gollaha degaanka, isagoo ku dheeraaday waxtarka iyo qiimaha ay u leedahay shacabka Puntland dimuquraadiyad lagu saleeyey diinteena iyo dhaqankeena wanaagsan,
Madaxweynaha Puntland ayaa sheegay in Puntland ay diyaar u tahay inay qaadato nidaamka Xisbiyada badan ee doorashooyinka.
Goddoomiyaha kumeelgaarka ah ee guddiga doorashadda Puntland Maxamed Soofe Xasan ayaa dhiniciisa sheegay in siyaasiyiinta doonaya inay furtaan ururo siyaasadeed ay macluumaadka la xiriira habraac doorashooyinka, xeerka ururadda siyaasadda iyo foomka diiwangalinta ay ka heli karaan xafiiska guddiga doorashadda ee Caasimadda Puntland.
