Madaxweynaha Jamhuuriyadda Federaalka Soomaaliya mudane Xasan Sheekh Maxamuud ayaa dalka Jabuuri kula kulmay dhiggiisa dalkaasi Ismaaciil Cumar Geelle.
Madaxweyne Xasan Sheekh oo maanta ka degay garoonka diyaaradaha ee magaalada Jabuuti ayaa waxaa halkaasi ku soo dhaweeyay madaxweynaha Jabuuti Ismaaciil Cumar Geelle, waxeyna labada madaxweyne kulan gaar ah ku qaateen isla garoonka diyaaradaha ee magaalada Jabuuti.
Related posts
Labada madaxweyne ayaa ka wadahadalay arrimo ay ka mid ahaayeen iskaashiga labada dal iyo xoojinta xiriirka walaalnimo ee u dhaxeeya Jabuuti iyo Soomaaliya.
Madaxweyne Xasan Sheekh Maxamuud ayaa uga warbixiyay madaxweynaha Jabuuti xaaladda dalka gaar ahaan howlgalladii ugu dambeeyay ee ciidamada XDS iyo kuwa AMISOM ay kula wareegeen deegaanno farabadan oo ay hore ugu sugnaayeen maleeshiyaadka Alshabaab.
Sidoo kale madaxweyne Xasan Sheekh ayaa ka waramay qorshayaasha dowladda iyo horumarrada kala duwan oo ay ku tallaabsatay, wuxuuna uga mahadceliyay dowladda Jabuuti taageeradda ay u fidisay dowladda Soomaaliya.
Kulanka labada madaxweyne ayaa ku soo dhamaaday jawi wanaagsan, iyadoo madaxweynaha Soomaaliya uu sii watay safarkiisi ku wajahnha dalka Talyaaniga.
