|
Kampala, 12 May 2016: Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa maanta madaxda caalamka kala qeybgaley xafladda caleema saarka Madaxweynaha Jamhuuriyadda Uganda, General Yoweri Kaguta Museveni oo ka dhacdey magaalada Kampala. Madaxweyne Xasan Sheekh Maxamuud ayaa sheegay in hoggaanka iyo shacabka reer Uganda ay wax walba u hureen sidii Soomaaliya ay uga soo kabsan lahayd masiibadi dagaaladii sokeeye iyo dagaalka lagu ciribtirayo argagixisada, sidaa darteedna madaxda iyo shacabka Soomaaliyeed ay farxadda caleema saarka Madaxweyne Museveni iyo shacabkiisa la qeybsanayaan. Jamhuuriyadda Uganda ayaa tan iyo bishii January 1986-kii waxaa hoggaaminayay Madaxweyne Museveni iyo Xisbigiisa (National Resistance Movement) NRM. Xafladda caleema saarka Madaxweyne Museveni oo ka dhacdey fagaaraha Kololo ee bartamaha caasimadda ayaa waxaa sidoo kale soo qeybgaley Madaxweynaha Jamhuuriyadda Suudaan, Field Marshal Omer Al-Bashir, Madaxweynaha Jamhuuriyadda Chad, ahna Guddoomiyaha sannadkan ee Midowga Afrika, General Idriss Déby Itno,Madaxweynaha Jamhuuriyadda Koonfuur Afrika, Jacob Zuma, Madaxweynaha Zimbabwe, Robert Gabriel Mugabe, Ra’iisul Wasaaraha Ethiopia Hailemariam Desalegn,Madaxweynaha Jamhuuriyadda Midowday ee Tanzania, John Pombe Magufuli, Madaxweynaha Jamhuuriyadda Kenya, Uhuru Muigai Kenyatta iyo hoggaamiyeyaal kale oo Afrika iyo caalamka kaleba ka socday. Musaasabaddan sida heerka sare loo soo agaasimay ayaa waxaa khudbad ku aaddan horumarka Uganda, iyo doorka u dalkaasi ku leeyahay qaaradda Afrika ka jeediyay Madaxweye Museveni, iyadoo ciidammada kala duwan ee Uganda ay halkaasi ku soo bandhigeen dhoolatus lagu maamusayo caleema saarka. |
Safaaradda Soomaaliya ee Kenya oo lagu soo dhaweeyay Wiilka cusub ee dalka Mayerkanka ee Soomaaliya
Danjiraha Jamhuuriyadda Federaalka Soomaaliya ee dalka Kenya, Mudane Jabriil Ibrahim Cabdulle, ayaa xarunta Safaaradda Soomaaliya ee Nairobi ku soo dhaweeyay...
