Madaxweynayaasha Dowlad goboleedyada Hirshabeelle mudane Cali Guudlaawe Xuseen iyo Koonfur galbeed mudane Cabdicasiis Xasan Maxamed ayaa gaaray magaalada Samareeb ee caasimadda dowlad goboleedka Galmudug.
Madaxweynaha Hirshabeelle iyo wafdigiisa ayaa waxaa garoonka diyaaradaha Ugaas Nuur ee magaalada Samareeb ku soo dhaweeyay Madaxweynaha iyo Madaxweyne ku-xigeenka Galmudug, Guddoomiyaha Baarlamaanka Galmudug, labada gole ee Galmudug iyo dadweyne farabadan.
Related posts
Madaxweynaha dowlad goboleedka Hirshabeelle mudane Cali Guudlaawe Xuseen ayaa ka qeyb galaya shirka uu Madaxweyne Farmaajo isugu yeeray madaxda maamul goboleedyada ee ka furmaya magaalada Samareeb, kaas oo looga hadlayo arrimaha doorashooyinka Qaranka.
Dhanka kale Madaxweynaha Dowlad Goboleedka Koonfur galbeed Mudane Cabdicasiis Xasan Maxamed Laftagareen iyo wafdi uu hoggaaminayo oo ngaaray magaalada Samareeb ayaa waxaa Garoonka diyaaradaha ku soo dhoweeyay Madaxweynaha Dowlad Gobaleedka Galmudug Axmed Cabdi Kaariye โQoor Qoor” iyo xubno ka tirsan labada gole ee maamulkiisa.
Madaxweynaha Koonfur Galbeed Mudane Cabdicasiis Laftagareen ayaa ka qeyb galaya shirka looga hadlayo arrimaha Doorashooyinka Qaranka.
