Wakaalada Wararka dalka Turkiga Anaaduul ayaa sheegtay in shirweynaha caalamiga ee looga hadlayo arrimaha wax ka qabashada xaladda bai’aadanimada ayaa si rasmi ah maanta uga furmay Magaalada Istanbuul.
Shirweynahan oo ay soo qabanqaabisay Qaraamada Midoobay, muddo laba maalin ahna socon doono ayaa waxaa Somaaliya uga qeyb galayaa Wafdi sare uu hogaaminayo Madaxweynaha Somaaliya Mudane Xasan Sheekh Maxmuud.
Sida Wakaaladu shaacisay howlaha shirkaasi ayaa lagu bilaabay Quraac oo ay ka qeyb galeen Madaxweynaha Turkiga Recep Tayyip Erdoğan iyo hogamiyeyaasha Caalamaka shirka isugu yimid, waxaana khudbad ka jeediyay Madaxweyne Erdogan oo isaga marti loo yahay..
Shirkan ayaa muddada uu socodo waxaa kaloo looga doodayaa nidaamka caalamiga ah ee kaalmada bani’aadannimada, waxaana ka qeyb qaadanayaa ku dhawaad 70 Madaxweyne iyo Raisul wasaarayaal isugu jira, iyo sidoo kale hay’ado Dowli ah siiba kuwa ka howlgala arrimaha masiibooyinka.
Madaxweynaha Soomaaliya mudane Xasan Sheekh Maxamuud ayaa ka mid ah madaxda lagu casuumay ee ka qeybaleysa shirkaasi.
