Madaxweyne ku-xigeenka Dowlada Jubaland, Mudane Maxamuud Sayid Aadan, ayaa daahfuray Ololaha Tallaalka isku dhafan ee Jadeecada iyo Dabaysha oo maanta lagu qabtay Xarunta Isbitaalka Guud ee degmada Kismaayo.
Munaasabadda oo ahayd mid kooban, ayaa waxaa goobjoog ka ahaa Wasiirka Wasaaradda Caafimaadka iyo Daryeelka Bulshada, Mudane Maxamed Cabdi oo xubno kale oo Xukuumadda Jubbaland ka socday, Xildhibaanno katirsan Golaha Wakiillada Jubbaland, Maamulka Gobolka Jubada Hoose iyo Masuuliyiin kale.
Madaxwayne ku-xigeenka, Mudane Maxamuud Sayid Aadan, ayaa bogaadiyay dedaalka ay Wasaaradda Caafimaadku ku bixinayso sidii bulshadu ay u heli lahayd adeeg caafimaad oo dhamaystiran, isagoona dhanka kale waalidiinta Carruurta kula dardaarmay inay kula tacaalaan tallaalka ilmahooda.
