Madaxweyne ku xigeenka Dowlad-gobaleedka Jubbaland mudane Maxamuud Sayid Aaden ayaa maanta kulan mira dhal ah laqaatay, saarkiisha ciidanka difaaca Kenya (KDF) ee ku sugan degmada Ceelwaq ee gobalka Gedo,
Shirkan oo ka qabsoomay xerada ciidanka Kenya ay ku leeyihiin Ceelwaq, waxaa Madaxweyne ku-xigeenka ku wehlinayay Wasiirka Arimaha gudaha Jubbaland, Wasiirka Amniga, Wasiirka Dekadaha iyo gaadiidka badda Jubbaland, Wasiiru-dowlaha Wasaaradda Amniga Jubbaland iyo Taliyaha ciidanka daraawiishta Jubaland ee gobalka Gedo.
Kulanka ayaa waxa looga hadlay sidii kor loogu qaadi lahaa Amniga iyo xasiloonida degmada iyo inay ciidanka Kenya ay sii labo jibaaraan dadaalkoodu.
Ugu danbeyn, Madaxwayne ku xigeenka 1aad ee Jubbaland ayaa ugu mahad celiyay madaxda, saraakiisha ciidanka iyo shacab-weynaha dowladda aan dariska nahay ee Kenya doorkoodu naf-hurnimada ah ee ay ka qaadanayaan dib usoo celinta nabadda iyo xasiloonada Soomaaliya, gaar ahaan Deegaanada Dowlad-gobaleedka Jubbaland
