Madaxweyne Ku-xigeenka Dowlad goboleedka Puntland Axmed Cilmi Cismaan Karaash ayaa Guddi ka kooban masuuliyiin ka tirsan Goleyaasha maamulkaas u magacaabay korjoogtaynta, fulinta iyo dabagalka heshiisyadii Shirka nabadaynta, isla markaana si dhaw ula shaqeeya Guddiga Culimada iyo odayaasha dhaqanka.
Guddigan oo ka kooban Sideed xubnood oo kala ah wasiirro iyo saraakiil ciidan ayaa waxaa hoggaaminaya guddoomiye ku xigeenka koowaad ee baarlamaanka Puntland Cabdicasiis Cabdullaahi Cismaan, waxaana guddoomiye ku xigeen looga dhigay Wasiirka Arrimaha gudaha Puntland Maxamed Cabdiraxmaan Dhabancad.
Xabad joojin hor dhac ah oo garwadeen uu yahay madaxweyne ku xigeenka Puntland Axmed Karaash ayaa ka dhaqan gashay deegaanka Saax-Meygaag oo maalmihii lasoo dhaafay ay aad ugu dagaalameen maleeshaad ka soo kala jeeda beelo wada dega gobollada Sool iyo Nugaal.
Guddigan oo ka Kooban 8 xubnood ayaa kala ah.
- Cabdicasiis Cabdullaahi Cismaan Gudoomiye ku xigeenka 1aad ee Golaha Wakiilada dowladda Puntland, Gudoomiye
- Maxamed Cabdiraxmaan Dhabancad Wasiirka wasaarada Arrimaha gudaha, Federaalka iyo Dimuqraadiyeynta Puntland. Gudoomiye ku xigeen
- Cabdiraxmaan Yuusuf Faarax Wasiir ku xigeenka wasaarada Waxbarashada iyo Tacliinta sare ,Xoghayn
- Jaamac Faarax Xasan Wasiirka wasaarada Caafimaadka Puntland.
- Senator Cabdiqani Geelle Maxamed, Wasiir u dowlaha wasaarada Kaluumaysiga iyo Khayraadka Bada
- Xildhibaan Saadiq Abshir Garaad
- Gen. Yaasiin Cumar Dheere, Taliayaha Ciidanka Daraawiishta Puntland
- Gen. Maxamed Cali Xaashi ,Taliyaha Ciidanka Booliiska Puntland.
