Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa ka qayb-galay Bannaan-baxa Kacdoonka Shacabka Muqdisho ee Dabar-goynta Khawaarijta.
Dadweyne aad u fara badan ayaa isugu soo baxay garoonka kubadda cagta Eng. Yariisow degmada C/casiis ee Gobolka Banaadir.
Madaxda ka qeybgashay bannaan baxa kacdoonka Shacabka ayaa bulshada ku booriyay sida ay dareenkooda u muujiyeen.
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa tan iyo markii uu talada dalka ku guuleystay ku dhawaaqay dagaal ka dhan ah argagixisada Al-Shabaab, taasi oo suurta gelisay in laga ciribtiro khawaarijta deegaanno iyo degmooyin fara badan oo ku yaala Dowlad Goboleedyada Galmudug iyo Hirshabeelle.
Bannaan baxa kacdoonka shacabka ayaa ah mid muujinaya sida ay isugu xiranyihiin shacabka iyo dowladda.
