RADIO MUQDISHO: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta gaaray deegaanka Haawaay ee Gobolka Shabeellaha Dhexe, halkaas oo uu ka dhagax dhigi doono mashaariic horumarineed.
Madaxweyne Mudane Xasan Sheekh ayaa waxaa deegaanka kusoo dhaweeyay, madaxda Dawlad Gobolkeedka Hirshabeelle oo uu ugu horreeyay, madaxweynaha Dowlad Goboleedka Hirshabeelle Cali Cabdullaahi Xuseen (Guudlaawe).
Safarka madaxweynaha ayaa hordhac u ahaa mashaariic horumarineed oo lagu wado in laga fuliyo deegaannada dhaca gobolka Shabeellaha Dhexe,kuwaas oo laga fulin doono deegaanno kala duwan.
