Madaxweynihii hore ee Soomaaliya ahna Musharrax Madaxweyne Shariif Sheekh Axmed ayaa bogaadiyay sida ay u dhaqangelisay qabsoomidda doorashada Aqalka Sare dowlad Goboleedka Koonfur Galbeed.
Mudane Shariif Sheekh Axmed oo hambalyo u diray Xildhibaannada Aqalka Sare ee laga soo doortay Koonfur galbeed ayaa sheegay in doorashadu ay u dhacday hanaankii saxda ahaa, isagoo Alle uga baryay in uu la garab galo xilalka cusub ee loo igmaday.
“Waxaan ku bogaadinayaa Dowladda Koonfur Galbeed Soomaaliya sida ay uga dhabeysey hirgalinta doorashooyinka Qaranka, anigoo hambalyo u diraya Senatarada cusub ee kamid noqonaya Barlamaanka 11aad oo lagu doortay magaalada Baydhaba.
- Senator Zamzam Ibrahim Ali
- Senator Ayaan Adan Abdullahi
- Senator Adam Abdinasir
- Senator Dr Hussein Mohamed
- Senator Mohamud Mohamed
Waa tallaabooyin dariiqa saxan ee dowladnimada loo qaaday, anigoo Alle uga rajeynaya Xildhibaannada cusub ee la doortay inuu la garab galo xilalka culus ee loo igmaday”. Ayuu yiri Madaxweynihii hore ee Soomaaliya Mudane Shariif Sheekh Axmed.
