Agaasimaha Guud ee Wasaaradda Caafimaadka Dowlad Koonfur Galbeed Soomaaliya Cabdi Cali Dogey,ayaa maanta Magaalada Baydhabo ka daah furey Tababar ku saabsan xog-uruuriyaasha sahanka Xarumaha Caafimaadka Gobolka Baay.
Waxaana furitaanka tababarka ka soo qeybgaley qaar ka mid ah Agaasime waaxeedyada kala duwan ee Wasaaradda Caafimaadka, Iskuduwaha Caafimaadka Gobolka Baay iyo mas’uuliyiin ka socotay Hay’adaha WHO iyo UNICEF oo tababarkan fududeynaayay.
Sahanka Caafimaadka Guud, ayaa ah qorshe lagu ogaanaayo awoodda iyo adeegyada ay bixiyaan xarumaha Caafimaadka ee ku yaala Deegaanada Dowlad GobaleedkaKoonfur-galbeed Galbeed Soomaaliya.
Aadan Cabdiraxmaan Axmed Agaasimaha waaxda qorsheynta iyo siyaasada Wasaaradda Caafimaadka Dowlad Gobaleedka Koonfur-galbeed Galbeed Soomaaliya, ayaa faahfaahiyay ujeedada tababarkan.
” Waxaynu ugu talagalnay Tababarkaan,Shaqaalaha Caafimaadka,Si aan u oggaano Sida loogu addeego Bulshada ku dhaqan Bay” Ayuu yiri Aadan Cabdiraxmaan Axmed Agaasimaha waaxda qorsheynta.
Farax Cabdi Nuur oo ka mid ah madaxda Hay’adda WHO Ayaa yiri ” Waxaynu muhiim u aragnay inaan Bixino tabarkaan,waayo si loo helo xaogta tahay i Xogta Xarumaha Caafimaadka deeganada Dowlad Gobaleedka Koonfur-galbeed Galbeed Soomaaliya”. Faarax Cabdi Nuur
Agaasimaha Guud ee Wasaaradda Caafimaadka iyo Daryeelka Bulshada Dowlad Gobaleedka Koonfur Galbeed Soomaaliya Cabdi Cali Dogey Ayaa yiri “Waxaan idiin rajaynaa inaad ka faa’iidaysataan Tababrkaan muhiimka ah ”
